مسكين ياقلب كم عانيتـ *___*

هذي القصيدة عيبتني وحبيت انقلها لكم


الله يهنيك مع محبوبك الثاني
يستاهل الخير دام انك تحبينه
جايز يشوف بعيونك ورد وأغاني
لي صرتي اغلى حبيبه ساكنه عينه
ويمكن يعيش الامل بأوهام وأماني
مسكين ما يدري انك تبي تخونينه
وما يدري انه يجي له يوم ويعاني
وما يدري انه يجي يوم وتخليّنه
يمكن يعرفك الى من جاه جاني
واستوعب ان الغلا حكي تقولينه
لو عنده احساس قلبك كان هنّاني
ولا ضاع عمري معاك وضاعت سنينه
يوم ان حبك تنثّر وسط وجداني
باحساس صادق عجزني لا تحسّينه
لا واحسافة نطقك شعر بلساني
وكنت اتوقع من الفرحة تغنّينه
لكن قلبك غدر فيني وخلاني
وما كني اللي عطاك الحب بيدينه
صحيح كنت سبب جرحي وحرماني
يوم ان قلبي على كيفك تمشّينه
واليوم ما اسمع لقلبك لو ناداني
خلاص ماني الحبيب اللي تعرفينه
قدري وعزة شموخي عنك تنهاني
وخلك مع اللي عقب حبي تحبينه

صح لسانك ونترقب جديدك